UZTAILA-ren 21-22-23-24  Sorkuntzak eta  topaketa artistikoak ITSASUN (Lapurdi)       hemen zapa 2016-eko egitaraua telekargatzeko

EGITARAUA EGUNEZ EGUN :

OSTEGUNA 07/21  -  OSTIRALA 07/22  -  LARUNBATA 07/23  -  IGANDEA 07/24
PREZIOAK-TXARTELTEGIA - LAGUNTZAILEAK

Izan! Erran! Sortu!

« Eleetan...Aldaxken dardara. Kantatzen duen gizonak eskuarekin zebatu du hitzez osaturiko ke bat. Zizelkadura isurkor bilakatzen da, eta ereiten gaitu. Orduan taupadak espazioa du betetzen, nun egoiten giren aro-lehenen behatzeko dardaran. »

Antilletako Solasak, Edouard Glissant

grow trees not amies

                                  «Gu geu izango gaitun bizitzaren enbor eta ardatz,                                                         lurraren ilunberik beltzenean erroturik erroak,                                                               ortzirik argitsuenean zabalduko zetinagu adarrak,                                                                                     eta eguzkia, ilargia eta argizagiak emango fruitu »                              Josean Artze

EDITO :

Izan, erran, sortu. Hara zer-ek sustatzen gaituen Itsasun berriz ere bilduko giren unean. Urgentzia hori, sekula bezala senditzen dugu, kontsumerismoak itotzen duen garai horretan, identitateak arkaitzak bezala  elkar-kaskatzen diren garai horretan.

Izan, erran, sortu… eta partekatu. Indartsu eta alai xutik egonen litzaken erresistentzia bat bezala. Patrick Chamoiseau-k, Martinikako idazleak, dio : « biziak biziena duenaren hurbil… bizia kantatzen duen eta harentzat borrokatzen den erresistentzia bat. Errotu-zabaldurik egoiten den erresistentzia bat, zubiak hobeki eraikitzeko desberdintasunen artean. Aurka lirateken baizik ez litzaken erresistentzia bat, baina beste irudimenetari zabaltzen ahal litzakena, beste mundu posible bati ».

Beste mundu baten baloreak eramaiten ditu, eta gure baitan iratzartzen bizi indarrak… Hor dugu Antigona. Henri Bauchau-ren hitzetan berpizten den Grezia Antikoaren Antigona… Bere gaztetasun sutsu, bihotz oneko, borrokalarian, « loratzeko errabia osoan ». Antigone -Argia !

Eta nola ez aipatu, Danyel Waro-ren hirugarren jitea Itsasun. Danyel Waro, Réunion Ugarteko kantari, musikari, olerkari, margolari… Ez dira usu atxemaiten munduan artista hain izpitsuak ! Bere ugarteko artisten artean, dudarik gabe, maitatuenetariko eta emblematikoenetariko bat da, harek parte hartu baitu 80. hamarkadan oraindik debekatua zen maloya-ren berpiztean. Bere iguruan hedatzen du sinestezinak diren indar, alaitasun eta kartsutasunak. Hiru egunez, Itsasun izanen da gure kulturen topaketa eta trukaketentzat.


Bihotzez, gonbidatzen zaituztegu elgarrekin bizi ditzagun trukaketa eta loria egun horiek, Itsasuko herri eta paisai xoragarrietan.


Ongi etorri !

Beñat Achiary, festibalaren artistiko zuzendaria

ESKERRAK…

Ezkandrai elkartearen alboan… haien sostengu, diru-sostengu publiko (Kontseilu Orokorra, Herrialde Akitania Berria Kontseilua, Drac), Euskal Kultur Erakundea, Mikel Laboa Katedra, sostengu pribatuak, edozein motako laguntzak, Itsasu eta Kanboko udal-etatik hasiz, baita ere bertako elkarteak, ahantzi gabe laguntzaile, artista, teknikari… Erran nahi baita 21.Errobiko Festibal hori gauzatu duten guzieri. Gonbidatzen zaituztegu lan horren fruituak gurekin jastatzea eta partekatzea !

Maite Etxemendi-Axiari, Ezkandrai Elkartearen lehendakaria